18 верасьня Прэзідэнт Беларускага кангрэса дэмакратычных прафсаюзаў (БКДП) Аляксандр Ярашук прызнаны вінаватым ў парушэньні Арт. 166.1 Кодэкса аб адміністратыўных правапуршэньнях за непавагу да суда і асуджаны судом Ленінскага раёну г.Мінска да 10 сутак арышту (Хартыя-97).

Нагодай для арышту прафсаюзнага лідэру паслужыў яго артыкул у газеце «Народная воля» ад 21 жніўня 2003 года «Пірава перамога, альбо хроніка пікіруючага прафсаюза», у якой размова ішла пра закрыцьцё ўладамі Беларускага прафсаюза авіяцыйных дыспетчароў. У артыкуле Аляксандр Ярашук назваў “сьпектаклем з загадзя вядомым канцом” паседжаньне Вярхоўнага суда, а таксама заявіў, што суддзя Галіна Жукоўская, якая вынесла прысуд прафсаюзу, праігнаравала паказаньні сьведкаў, што выступалі ў абарону арганізацыі