Фанатаў барысаўскага БАТЭ дагэтуль расшуквае міліцыя
Акцыя фанатаў БАТЭ ў падтрымку Еўрамайдана
Першы фанат Яўген (прозвішча юнак назваць адмовіўся) быў затрыманы 29 студзеня, а суд над ім адбыўся на наступны дзень. Суддзя Барысаўскага суда Лідзія Малчанава звінаваціла яго ў парушэнні арт. 23.34 КаАП РБ (парушэнне парадку арганізацыі ці правядзення масавых мерапрыемстваў) ды пакарала арыштам на 5 сутак. Працэс праходзіў у закрытым рэжыме, не пусцілі нават адваката, а ў сваякоў Яўгена не прынялі перадачу.
Другі фанат быў затрыманы і асуджаны 31 студзеня па тым жа артыкуле. Вырак суддзі Алены Бачышча - таксама 5 сутак арышту.
Астатніх 21 фаната расшуквае міліцыя, але пакуль безвынікова.
Нагадаем, што многія СМІ размясцілі здымак, на якім 23 фанаты дзесяціразовага чэмпіёна краіны па футболе барысаўскага БАТЭ сфатаграфаваліся з бел-чырвона-белым сцягам і плакатамі «Трымайся, Украіна, мы з вамі!» і «Героям слава!».
