Маладафронтаўца Сяржука Клюева аштрафавалі за ўлёткі на 620 тысяч

Суд Савецкага раёну пакараў актывіста Маладога Фронту Сяржука Клюева штрафам на 20 базавых велічыняў (620 тысяч рублёў). Клуева затрымалі учора ўвечары, калі ён распаўсюджваў улёткі з заклікам прыйсьці 20 траўня ў парк Дружбы Народаў, каб выказаць сваё стаўленьне да адмены льготаў студэнтам, паведамляе Радыё Свабода.

Ноч Сяржук правёў у пастарунку, міліцыянты абвінавацілі яго ў парушэньне закону аб масавых мерапрыемстваў. Суд пагадзіўся з абвінавачваньнем, пастанавіўшы, што ўлёткі распаўсюджваліся для правядзеньня акцыі, на якую ня быў атрыманы дазвол.