Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: у цэнтры ўвагі – у Беларусі вынесены яшчэ адзін смяротны прысуд; адміністратыўны пераслед удзельнікаў акцыі "Стоп-падатак".
"Падзея тыдня" - пачатак кампаніі "Праваабаронцы за свабодныя выбары" па маніторынгу мясцовых выбараў.
"Асоба. Дзяржава. Грамадства": госця рубрыкі – жонка палітвязня Міколы Статкевіча Марына Адамовіч, якая распавядае пра ўмовы ўтрымання мужа і захады па ягоным вызваленні.
“Навіны палітвязняў”: былы палітвязень Зміцер Дашкевіч атрымаў першае папярэджанне за парушэнне правілаў прэвентыўнага нагляду, Уладзь Яроменак будзе адбываць пакаранне за парушэнне правілаў прэентыўнага нагляду ў Баранавічах.
У музычных паўзах - калядныя песні напярэдадні Раства.
