Удзельнікі шэсьця “Чарнобыльскі шлях” сустракаюцца каля Акадэміі навук

Прыкладна дзьве тысячы чалавек, многія трымаюць транспаранты, нацыянальныя сьцягі падыходзяцьпа абодвух баках праспекта Незалежнасьці да Акадэміі навук. Амапаўцы ачапілі праезжую частку і суправаджаюць калоны шчыльным ланцугом. Час ад часу удзельнікі шэсьця скандуюць “Жыве Беларусь!” Ля Акадэміі навук каля 5000 чалавек. Сярод іх – лідэры Аляксандр Мілінкевіч, Вінцук Вячорка, Анатоль Лябедзька.

Ля Акадэміі навук зьявіліся палітыкі Андрэй Саньнікаў, Станіслаў Багданкевіч, Віктар Івашкевіч (адзін з заяўнікаў акцыі), Сяргей Скрабец, паэт Генадзь Бураўкін, лідары Моладзі БНФ Франак Вячорка і Алесь Каліта.  Шмат сьцягоў: бел-чырвона-белыя, сьцягі беларускіх хрысьціянскіх дэмакратаў, сьцягі Менску, сьцягі з джынсавай тканіны.