У рэгіёнах ужо рыхтуюцца да выбараў у мясцовыя Саветы
Выбары ў мясцовыя Саветы павінны прайсці не пазней за 25 сакавіка 2014 года. Тым часам, у некаторых раёнах ужо пачалася падрыхтоўка да выбараў. Так, раённая газета «Петрыкаўская навіны» паведамляе, што на сесіі раённага Савета дэпутаты прынялі рашэнне пра ўстанаўленне колькасці выбарчых акруг па выбарах у райсавет і сярэдняй колькасці выбаршчыкаў на акругу. Так, у час правядзення наступных выбараў у Петрыкаўскі раённы Савет дэпутатаў 27 склікання мяркуецца стварыць 33 выбарчыя акругі з сярэдняй колькасцю выбаршчыкаў у кожнай – 766.
Тым часам, пакуль падобных звестак пра стварэнне выбарчых акруг не было ў іншых выданнях Гомельскай вобласці.
Нагадаем, што адно з новаўвядзенняў падчас выбараў у мясцовыя Саветы такое, што будзе забаронена заклікаць да зрыву, адмены ці пераносу тэрмінаў правядзення выбараў ці рэферэндуму.
