Круглы стол «Акадэмічныя свабоды і правы студэнтаў у Беларусі: праблемы і перспектывы»
Якія асноўныя праблемы студэнтаў Беларусі? Якім чынам вырашаць іх найбольш эфектыўна і якія правы і свабоды студэнтаў парушаюцца часцей за ўсё? Дыскусія з удзельнікамі круглага стала і даклады экспертаў юрыдычнай кансультацыі «Студэнцкай Рады» і «Грамадскага Балонскага камітэта». Круглы стол адбудзецца 29 кастрычніка з 17:00 да 19:30 .
Мэта круглага стала: абмеркаваць актуальны стан і парушэнні правоў і акадэмічных свабодаў студэнтаў у ВНУ Беларусі, а таксама шляхі вырашэння гэтых праблем.
У якасці дакладчыкаў прымуць удзел прадстаўнікі юрыдычнай кансультацыі МПГ «Студэнцкая Рада» і «Грамадскага Балонскага камітэта» (Алег Граблеўскі, юрыст і эксперт працоўнай групы «Еўрапейскага дыялогу аб мадэрнізацыі з Беларуссю»).
Таксама падчас круглага стала плануецца падвесці прамежкавыя вынікі працы юрыдычнай кансультацыі « Студэнцкай Рады » ў 2013 годзе і абмеркаваць яе далейшае развіццё .
Запрашаем да ўдзелу ў круглым стале ўсіх студэнтаў і студэнцкіх актывістаў, а таксама журналістаў і рэдактараў СМІ.
Уваход на мерапрыемства вольны, аднак, да 27 кастрычніка ўключна просім зарэгістраваць свой удзел па спасылцы.
Пасля афіцыйнай часткі зносіны працягнуцца ў нефармальнай абстаноўцы за гарбатай і кавай.
Круглы стол адбудзецца 29 кастрычніка з 17:00 да 19:30. Месца правядзення: г. Мінск, вул. Чапаева,3, канферэнц -зала (у будынку арыентуйцеся па паказальніках ).
Плануемая працягласць мерапрыемства - 2,5 гадзіны.
Па ўсіх пытаннях пішыце на students.rada @ gmail.com ці тэлефануйце : ( +375-29) 3797328 , ( +375-29) 2799436 (Марына ) .
