У Курапатах невядомыя вандалы зламалі шэсьць крыжоў і некалькі пашкодзілі

Чарговы акт вандалізму засьведчылі ўдзельнікі талакі, якую кожную суботу праводзяць сябры Кансэрватыўнахрысьціянскай партыі БНФ, паведаміла Польскае радыё для замежжа .

Зламаныя і пахіленыя крыжы сябры партыі абяцалі аднавіць бліжэйшымі днямі. Так было пасьля кожнага акту вандалізму ў Курапатах.

Да пашкоджаньня памятных знакаў і крыжоў у Курапатах даходзіла дзясяткі разоў. Толькі ў дачыненьні да гэтак званай «Лавы Клінтана», ад часу яе ўсталяваньня ў 1994 годзе, акты вандалізму адбываліся адзінаццаць разоў.

З гэтай нагоды Амбасада ЗША ў Беларусі выступіла з адмысловай заявай. Аднак супрацоўнікі міліцыі дагэтуль ня выявілілі ніводнага злачынца, — нагадваюць беларускія СМІ.