Міліцыянты ўварваліся ў кватэру актывіста Моладзі БНФ Андруся Ігнатовіча і прымусова адвезьлі ў суд Фрунзенскага раёну

23 красавіка супрацоўнікі праваахоўных органаў Фрунзенскага РУУС з'явіліся на кватэру да моладзевага актывіста і прапанавалі яму праехаць з імі. Паколькі яны не тлумачылі прычыну свайго візіту, а таксама месца, куды трэба ехаць, Андрусь Ігнатовіч адмаўляўся ісьці з імі. Пасьля непрацяглых перамоваў, міліцыянты сілком, адпіхнуўшы маці актывіста, забралі хлопца з дому і зьвезьлі на службовай машыне. 

Як стала вядома ПЦ "Вясна", Андруся Ігнатовіча даставілі ў суд Фрунзенскага раёну Менску, дзе на 15 гадзінаў прызначана судовае паседжаньне. У чым абвінавачваюць моладзевага актывіста, пакуль невядома.