Публіцыст Андрэй Пачобут вызвалены ад крымінальнай адказнасці
Андрэй Пачобут.
Паўгадзіны доўжылася сёння “вызваленне” Андрэя Пачобута ў Ленінскім раённым судзе Гродна. Працэс закрыцця крымінальнай справы аформіў суддзя Юрый Казакевіч. Публіцыст Андрэй Пачобут вызвалены ад адбыцця пакарання ў звязку з тым, што ён не парушыў заканадаўства.
Нагадаем, што журналіст паводле крымінальнай справы да сёння адбываў прысуд з адтэрміноўкай за нібыта паклёп на Аляксандра Лукашэнку. Андрэй Пачобут плануе далей працягваць сваю публіцыстычную дзейнасць. Варта зазначыць, што цяпер ён пазбавіўся малапрыемнага статусу “невыязднога” і цяпер зможа выбрацца за мяжу.
Падтрымаць Андрэя Пачобута ў судзе сёння прыйшлі калегі-журналісты, праваабаронцы, а таксама грамадскія актывісты непрызнанага ўладамі Саюзу палякаў – агулам каля 20 чалавек.
