Гродна: у панядзелак перагляд крымінальнай справы Андрэя Пачобута
Андрэй Пачобут, публіцыст і блогер, уласны карэспандэнт выдання Gazeta Wyborcza
21 верасня Андрэй Пачобут атрымаў позву ў суд Ленінскага раёна Гродна, у якой пазначана “аб вызваленні ад пакарання”. Справа будзе разглядацца ў панядзелак 23 верасня у 15.30.
Нагадаем, што рашэннем Ленінскага раённага суда Гродна ад 5 ліпеня 2011 года Андрэй Пачобут быў прызнаны вінаватым у парушэнні часткі 1 артыкула 367 Крымінальнага кодэкса (“паклёп на прэзідэнта”) і пакараны трыма гадамі пазбаўлення волі з адтэрміноўкай на два гады. Летам 2012 года на Андрэя Пачобута пачалі яшчэ адну крымінальную справу за нібыта “паўторны паклёп на кіраўніка дзяржавы”. Але ў сакавіку таго ж году справу спынілі ў звязку з адсутнасцю ў дзеяннях журналіста складу злачынства.
