viasna on patreon

Мікалай Аўтуховіч адчувае сябе здавальняюча

2013 2013-09-19T13:07:36+0300 2014-07-16T13:35:53+0300 be https://spring96.org/files/images/sources/bandarenka.jpg
Андрэй Бандарэнка

Андрэй Бандарэнка

Мікалай Аўтуховіч - палітвязень, якія парэзаў сабе лязом жывот ў турме № 1 ( Гродна) - адчувае сябе нармальна, паведаміў БелаПАН праваабаронца Андрэй Бандарэнка, кіраўнік прыватнай культурна-асветніцкай установы Platform Innovation.

Па звестках крыніцы Platform Innovation, Аўтуховіч пераведзены назад у камеру, стан яго здароўя здавальняючы.

Як паведаміў Бандарэнка, інцыдэнт выкліканы тым, што на Аўтуховіча пачаўся ціск: "Яго паспрабавалі дыскрэдытаваць, у сувязі з тым, што ён паводзіў сябе законапаслухмяна, склалі ліпавы рапарт пра тое, што пасля каманды "адбой" ён нібыта не знаходзіўся ў ложку".

Праваабаронца адзначыў, што Мікалай Аўтуховіч доўгі час знаходзіўся ў статусе злоснага парушальніка і заставаўся літаральна месяц да зняцця ўсіх парушэнняў: "І раптам на пустым месцы ўзнікае гэты рапарт" . "Наколькі вядома на дадзены момант, гэта адкрытае беззаконне і заахвоціла яго да такой рэакцыі", - сказаў Бандарэнка.

Нагадаем, гэта не першае падобнае здарэнне з Мікалаем Аўтуховічам: у снежні 2011 года палітвязень ускрыў сабе вены. Па словах Бандарэнкі, тады Аўтуховіч такім чынам пратэставаў супраць падману з боку адміністрацыі турмы. "Была сакрэтная дамоўленасць аб тым, што калі Мікалай спыняе зносіны з журналістамі, то спыніцца ціск на яго і яго сяброў. Мікалай пагадзіўся, але ціск на яго знаёмых толькі ўзрасла, а яго перавялі ў СІЗА", - адзначыў праваабаронца.

Для таго, каб даведацца пра стан Мікалая Аўтуховіча, Platform Innovation былі накіраваны запыты ў адміністрацыю гродзенскай турмы і ў дэпартамент выканання пакаранняў МУС.

 

Апошнія навіны

Партнёрства

Сяброўства