Пра акцыю “Чарнобыльскі шлях” цяпер можна падрабязна даведацца з інтэрнету

Пачала працаваць адмысловая старонка 26.svaboda.info, дзе можна азнаёміцца з мерапрыемствамі, якія праводзяцца ў межах “Чарнобыльскага шляху-2007”. На сайце таксама зьмешчаная кароткая інфармацыя пра гісторыю адзначэньня Чарнобыльскага Шляху. Акрамя таго тут можна пакінуць свае прапановы і ідэі наконт правядзеньня гэтай важнай для Беларусі акцыі.

«Сайт ёсьць каардынацыйным цэнтрам прамоцыі Чарнобыльскага Шляху ў інтэрнэце, — кажа яго адміністратар і стваральнік Франак Вячорка. — Ён, спадзяюся, дапаможа аб’яднаць разнастайныя ініцыятывы асобных сайтаў, блёгаў, парталаў. Нашая задача — каб сайт стаў найпрыкметнейшаю старонкаю ў беларускім інтэрнэце на бліжэйшыя тры тыдні».