У Светлагорску пачаўся збор подпісаў за аднаўленне гарадскога парка

Актывісты партыі “Справядлівы свет” са Светлагорску пачалі кампанію па збору подпісаў за аднаўленне парка культуры і адпачынку.

Распавядае кіраўнік раённай партыі левых Сяргей Дайнэка.

–Прыкладна дзесяць гадоў таму у нашым парку культуры і адпачынку пачалі прыбіраць дзіцячыя атракцыёны, бо яны прыйшлі ў непрыдатнасць. З кожным годам парк усё больш прыходзіў у заняпад, і а таму зараз – гэта не месца адпачынку, а проста невялічкі лясок, які нічым не адрозніваецца ад падобных насаджэнняў па ўсім Светлагорску. Парк стаў брудным, усе месцы адпачынку папросту параслі…

Актывісты звярнуліся ў камунальнае прадпрыемства “Светач”, каб яго прадстаўнікі маглі патлумачыць, якія перспектывы добраўпарадкавання парку існуюць.

–Намеснік дырэктара нам патлумачыў, што галоўная прычына немагчымаці аднавіць парк сёння простая і банальная – адсутнасць фінансавання, і што пакуль шукаецца інвестар. Напрыклад, для таго, каб набыць адзін атракцыён, патрэбна 3 мільярды рублёў. Цікава, што на набыццё атракцыёнаў у прадпрыества грошай няма, а вось набыць новы аўтамабіль для дырэктара “Светач” за 100 тысяч долараў можна…

У сявязі з гэтым актывісты партыі і іх прыхільнікі пачалі збор подпісаў за аднаўленне парка. Па словах Сяргея Дайнэка, на сённяшні дзень сабрана прыкладна 1000 подпісаў светлагорцаў.