viasna on patreon

“Вясна” патрабуе неадкладнага і безумоўнага вызвалення Алеся Бяляцкага і ўсіх палітычных зняволеных.

2013 2013-08-04T13:28:08+0300 1970-01-01T03:00:00+0300 be https://spring96.org/files/images/sources/viasnalogo.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Заява Праваабарончага цэнтра “Вясна”

Мінск, 4 жніўня 2013 г.

Праваабарончы цэнтр “Вясна” патрабуе неадкладнага і безумоўнага вызвалення Алеся Бяляцкага і ўсіх палітычных зняволеных Беларусі.

4 жніўня спаўняецца два гады з моманту арышту нашага сябра і калегі, старшыні Праваабарончага цэнтра “Вясна”, віцэ-прэзідэнта Міжнароднай федэрацыі за правы чалавека, асуджанага на чатыры з паловай гады пазбаўлення волі.

Пазбаўленне волі аднаго з вядомейшых і аўтарытэтных праваабаронцаў Беларусі стала вынікам  шматгадовай рэпрэсіўнай палітыкі ўладаў ў дачыненні да грамадзянскай супольнасці краіны, з’яўляецца расправай за прынцыповую шматгадовую праваабарончую дзейнасць Алеся Бяляцкага. 

Дзейнасць  Алеся Бяляцкага і  створанага ім у 1996 годзе Праваабарончага цэнтра “Вясна”, якая ўключае ў сябе ў тым ліку  фінансаванне рэгулярнай праваабарончай актыўнасці арганізацыі,  з’яўляецца цалкам легітымнай і адпавядае прынцыпам, закладзеным у Дэкларацыі  аб праве і абавязку асобных асоб, груп і органаў грамадства заахвочваць і абараняць агульнапрызнаныя правы чалавека і асноўныя свабоды (Дэкларацыі ААН аб праваабаронцах), а таксама палажэнням Міжнароднага пакту аб грамадзянскіх і палітычных правах.
Дадзеная пазіцыя была неаднаразова пацверджана Саветам па правах чалавека ААН, які аднагалосна заклікаў усе дзяржавы забяспечыць, каб заахвочванне і абарона правоў чалавека не лічыліся злачынствам, і каб праваабаронцы не былі пазбаўлены магчымасці карыстацца ўніверсальнымі правамі чалавека, датычнымі іх працы, як індывідуальна, так і сумесна з іншымі. Гэтая ж пазіцыя была адлюстравана ў Меркаваннях Працоўнай групы па адвольных затрыманнях Савета па правах чалавека ААН па справе Алеся Бяляцкага.

За мінулыя два гады з моманту арышту Алеся Бяляцкага сітуацыя з правамі чалавека ў краіне не палепшылася і застаецца стабільна цяжкай: зараз у турмах працягваюць знаходзіцца  12 палітвязняў, працягваецца практыка крымінальнага і адміністрацыйнага пераследу грамадзян па палітычных матывах, асноўныя грамадзянскія і палітычныя правы з’яўляюцца скрайне абмежаванымі.

Пазбаўленне волі і ўжыванне іншых спосабаў рэпрэсій за перакананні, грамадскую і палітычную дзейнасць з’яўляецца  сведчаннем няздольнасці ўладаў да выбудоўвання дэмакратычнага і плюралістычнага грамадства, імкнення да знішчэння любога іншадумства, глыбокага крызісу прававой сістэмы краіны. У дадзенай сітуацыі пераслед праваабаронцаў, якія аказваюць дапамогу ахвярам парушэнняў правоў чалавека і крытыкуць урад у сувязі з гэтымі парушэннямі – яскравае сведчанне таго, што ўлады гатовы выкарыстоўваць самыя жорсткія меры дзеля застрашэння апанентаў і ўсяго грамадства з мэтай захавання існуючага  палітычага рэжыму ў краіне.

Праваабарончы цэнтр “Вясна” рашуча выступае супраць палітычна матываванага пераследу грамадзян краіны і патрабуе ад уладаў неадкаладнага і безумоўнага вызвалення ўсіх палітзняволеных,  аднаўлення іх ва ўсіх грамадзянскіх і палітычных правах.

Праваабарончы цэнтр “Вясна” заяўляе, што працягне сваю легітымную і законную дзейнасць па абароне і адстойванні правоў чалавека ў Беларусі.

 

Апошнія навіны

Партнёрства

Сяброўства