Камісаваны актывіст партыі «Іншая Расія» Ігар Шчука

Пасля двух месяцаў абследаванняў у салдата выявілі гепатыт В і С. Ён кажа, што пры залічэнні ў войска медкамісіі толкам і не было.

Больш за восем гадоў малады чалавек пражывае ў Расіі, з'яўляецца актывістам нацыянал-бальшавіцкай партыі «Іншая Расія».

3-га траўня дамоў да Ігара, які прыехаў да бацькоў, прыйшлі трое супрацоўнікаў міліцыі, у суправаджэнні якіх ён быў дастаўлены ў ваенкамат. Так, Шчука быў прызнаны прыдатным да службы ў беларускім войску без належнага па законе медыцынскага абследавання.

Пазней яго паклалі на абследаваньне ў "Навінкі", дзе ў яго ўзялі аналізы крыві. Пасля падазрэнняў на гепатыт салдата перавялі ў вайсковы шпіталь, зрабілі біяпсію. Там Ігар быў камісаваны з дыягназам гепатыт В і С.

"Без жадання кіраўніцтва ўзброеных сіл і грамадскага ціску, так і служыў бы з гепатытам", - заявіў сайту ags.by Ігар Шчука.