Брэсцкі праваабаронца Уладзімір Вялічкін падаў заяўку на пікет 4 жніўня

Уладзімір Вялічкін намерыўся правесці адзіночны пікет ў дазволеным уладамі месцы – парку воінаў-інтэрнацыяналістаў. Дамовы на абслугоўванне з дзяржаўнымі службамі – міліцыяй, бальніцай і ЖКГ- не заключаў, паколькі лічыць, што можа абысціся сваімі сіламі. Пра гэта ён паведаміў у сваёй заяўцы.

Па словах У.Вялічкіна, пікет прысвечаны другой гадавіне арышту кіраўніка Праваабарончага цэнтра “Вясна”Алеся Бяляцкага. Праваабаронца лічыць арышт і асуджэнне Бяляцкага абсалютна незаконнымі, пра што і хоча распавесці грамадзянам падчас пікету. Сваім пікетам ён таксама хоча прыцягнуць увагу да ўсіх палітвязняў у Беларусі.