Маладафронтаўцам, якія дагэтуль праходзілі падазраванымі па крымінальнай справе, прад'яўленае абвінавачаньне

Зьміцер Хведарук, Алег Корбан, Аляксей Янушэўскі, Барыс Гарэцкі і Наста Палажанка лічаць, што ў сьпісе абвінавачаных могуць быць і іншыя іхныя паплечнікі. Сёньня а 14-й гадзіне маладафронтаўцы прыдуць у Менскую гарадзкую пракуратуру знаёміцца з матэрыяламі заведзеных на іх спраў, паведаміла Радыё Свабода.

Крымінальную справу супраць незарэгістраванай арганізацыі “Малады фронт” КДБ распачаў 4 лютага. Максімальнае пакараньне паводле артыкула 193.1 КК РБ – два гады зьняволеньня.