Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу” - аб жыцці беларускіх палітвязняў за кратамі , аб фактах звальнення актывістаў незалежных прафсаюаў, інфармацыя пра чарговыя смяротныя прысуды ў Беларусі
“Падзея тыдня” - новыя крокі ў межах кампаніі “Праваабаронцы супраць смяротнага пакарання ў Беларусі”, скіраваныя на замену меры пакарання для Рыгора Юзэпчука, асуджанага Магілёўскім абласным судом да выключнай меры.
Госць рубрыкі "Асоба. Дзяржава. Грамадства" - беларускі дысідэнт і праваабаронца Міхась Кукабака. Гэтымі днямі спаўняецца роўна 35 гадоў як ў заходніх СМІ, пераадолеўшы “жалезную заслону”, з’явіўся яго выступ супраць русіфікацыі Беларусі.
У музычных паўзах для вас прагучаць песні ў выкананні Пятра Ялфімава.
Слухаць выпуск:
