Міколу Статкевічу дазволілі кароткатэрміновае спатканне з жонкай
2 ліпеня палiтвязень Мікалай Статкевіч сустрэўся з жонкай у магілёўскай турме №4.
“Гэта была кароткая, двухгадзінная сустрэча праз краты, двайное шкло і праз тэлефон. Мікалай не змяніўся, ён такі ж, як заўсёды: упэўнены, спакойны, моцны і вельмі пазітыўны”, - адзначае Марына Адамовіч:
- Прыгожа, абсалютна вольна, нашмат больш вольна, чым тыя, хто яго канваіруе. Безумоўна непараўнальна - гэта вельмі кідаецца ў вочы. У параўнанні з іншымі зняволенымі, яго водзіць група ў 4-5 чалавек. Мы гэта вытрымаем, мы гэта перажывем.
“За ўвесь час зняволення, а гэта ўжо больш за два гады і сем месяцаў, я толькі аднойчы мела магчымасць апынуцца побач з Мікалаем, дакрануцца, абняць. Спатканне прайшло ў снежні 2011 года, яшчэ ў Шклове”, - адзначыла Марына Адамовіч.
