Бярозаўскія і івацэвіцкія прадпрымальнікі падтрымалі працяг страйку

Бярозаўскія і івацэвіцкія прадпрымальнікі падтрымалі страйк 1-2-га ліпеня. Акрамя некалькі ралетаў, большасць былі зачынены на рынках Бярозы і Івацэвічаў.

Бярозаўскія прадпрымальнікі паведамілі, што накіроўвалі двух прадстаўнікоў у райвыканкам, якія сустракаліся з намеснікам старшыні райвыканкама па эканоміцы Данутай Гардзейчык. Яна таксама пагадзілася, што рашэнне па тэхрэгламенту для дробных прадпрымальнікаў памылковае. Параіла ісці працаваць па-старому. Яна выказала спадзяванне, што такое рашэнне будзе перагледжана і што яно лепш падыходзіць для буйнога гандлю.

Як стала вядома ад старшыні рэспубліканскага савета прадпрымальнікаў Анатолія Змітровіча, прадпрымальнікі могуць працаваць па-ранейшаму. Яны атрымалі перадышку на год. Чакаецца што за год пытанне вырашыцца на карысць дробнага бізнэсу.