Рэчыца: прадпрымальнікі плануюць накіраваць пратэст у парламент

Рэчыцкія прадпрымальнікі вырашылі накіраваць пратэст у беларускі парламент у сувязі з тэхрэгламентам Мытнага саюза. Раніцай 2 ліпеня ІП Рэчыцы планавалі правесці бестэрміновы страйк: прыйсці на працу, але не адчыняць свае гандлёвыя кропкі.

–Яшчэ ў нядзелю мы вырашылі не працаваць з аўторка, калі сітуацыя не зменіцца, – кажа прадпрымальнік Алег Шабетнік. – Але сёння мы вырашылі заплаціць падаткі і направіць пратэст нашым уладам. Паколькі Расія не спяшаецца выконваць пагадненне, то нашаму ўраду трэба на гэта ўказаць, каб прыпыніць дадзенае пагадненне, а не здзеквацца са сваіх прадпрымальнікаў. Калі адказ нас не задаволіць, мы будзем праводзіць бестэрміновы страйк з 1 жніўня гэтага года.

Фота з сайта bsdp.org