Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу” - аб рэакцыі дэмакратычнай супольнасці на выключэнне Макея са спісу неўзядных у ЕС, чаму бастуюць беларускія прадпрымальнікі і як дэпутаты ў Брэсце рэагуюць на звароты сваіх выбаршчыкаў.
“Падзея тыдня” - прысуд аператару Наваполацкага нафтаперапрацоўчага завода «Нафтан» Андрэю Гайдукову, якога Віцебскі абласны суд прызнаў вінаватым у замаху на злачынства і вынес прысуд - паўтары гады калоніі па артыкуле 356. Прым.1 Крымінальнага кодэксу – праваабаронцы лічаць палітычна матываваным.
Госця рубрыкі "Асоба. Дзяржава. Грамадства" - маці палітвязня Ігара Аліневіча. На мінулым тыдні кіраўніцтва Беларускага дзяржаўнага эканамічнага ўніверсітэта адмовілася працягнуць з ёй працоўны кантракт.
У музычных паўзах для вас прагучаць незабыўныя песні легендарнага калектыву “Песняры”, прысвечаныя Беларусі.
Слухаць выпуск:
