Страйк прадпрымальнікаў: затрыманні ў Менску

Сеньня ў Менску каля 12 гадзінаў супрацоўнікі міліцыі затрымалі лідэра прадпрымальніцкага руху “Перспектыва” Анатоля Шумчанку і некалькі журналістаў, якія накіроўваліся ў гандлоёвы цэнтр “Паркінг”, дзе страйкуюць прадпрымальнікі. Усе яны дастаўленыя ў Цэнтральны РУУС Менска.

Вядомыя прозвішчы некаторых журналістаў. Гэта Аляксандр Сівы (“Народная Воля”), Ігар Карней (Радыё Свабода), Касцюкевіч Наталля.  

Старшыня грамадскага аб’яднання “Перспектыва” разам з прадпрымальнікамі сёння планаваў перадаць патрабаванні дробнага бізнесу ў Дэпартамент прадпрымальніцтва Міністэрства эканомікі.

Як паведамляе сайт БАЖу, Алесь Сівы адказаў на тэлефанаванне, але паспеў сказаць толькі, што знаходзіцца ў Цэнтральным РУУС і не можа гаварыць.  

***

Журналіста Ігара Карнея прыкладна ў 14-00 вызвалілі з пастарунку. Разам з ім і астатніх журналістаў.