Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу” – аб пазіцыі Еўрапарламенту адносна санкцый да Беларусі, зменах у працоўнае заканадаўства, а таксама выпадках дыскрымінацыі прадстаўнікоў ЛГБТ-супольнасці ў Беларусі.
“Падзея тыдня” - кіраўнік Праваабарончага цэнтру "Вясна" Алесь Бяляцкі на трэці тэрмін пераабраны на пасадзе віцэ-прэзідэнта Міжнароднай федэрацыі за правы чалавека. Такім чынам удзельнікі 38-га Кангрэсу Федэрацыі засведчылі сваю салідарнасць з вязнем рэжыму Аляксандра Лукашэнкі.
Госця рубрыкі "Асоба. Дзяржава. Грамадства" - каардынатар дзейнасці экалагічнага таварыства “Зялёная сетка” па захаванні паркаў і сквераў у гарадах Марына Дубіна.
"Навіны палітвязняў" – пра заяву праваабарончай арганізацыі Front Line Defenders з нагоды новых выпадкаў выкарыстання дысцыплінарных захадаў з боку адміністрацыі калоніі ў дачыненні да палітвязня Алеся Бяляцкага, а таксама навіны з жыцця іншых палітзняволеных.
У музычных паўзах – кампазіцыі з дэбютнага альбома «Шчасце» беларускага гітарыста Арцёма Міда, які з’явіўся нядаўна на сайце http://ultra-music.com.
Слухаць выпуск:
