Хоцімскіх актывістаў вучылі адстойваць свае правы
18-19 траўня ў Хоцімску прайшоў праваабарончы семінар-вучоба, прысвечаны розным аспектам крымінальнага і адміністрацыйнага заканадаўства. Удзел у навучанні прынялі мясцовыя актывісты кампаніі “Гавары праўду” і Партыі БНФ.
“Трэнеры, якія прадстаўляюць розныя праваабарончыя арганізацыі нашай краіны, правялі навучанне па розным аспектам крымінальнага і адміністрацыйнага заканадаўства Рэспублікі Беларусь, - распавядае грамадскі актывіст з Хоцімска Валерый Каранкевіч. – Дадзенае мерапрыемства было вельмі карысным для хоцімскіх грамадскіх актывістаў, бо ім даводзіцца амаль на кожным кроку сутыкацца з разнастайнымі парушэннямі сваіх правоў. Семінар быў скіраваны на тое, каб людзі змаглі больш даведацца пра свае правы ў галіне крымінальнага і адміністрацыйнага права. Неабходна адзначыць, што ўсе ўдзельнікі засталіся задаволенымі атрыманымі новымі ведамі, а таксама кампетэнтнымі адказамі і тлумачэннямі праваабаронцаў. Для нас гэта тым больш актуальна, бо ў самым ўсходнім рэгіёне Беларусі не так часта можна адбываюцца падобныя сустрэчы з кваліфікаванымі юрыстамі і праваабаронцамі”.
