Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу” - не толькі пра новыя факты пераследу грамадскіх актывістаў у Віцебску і Баранавічах, але і пра тое, навошта беларусы пікетавалі паседжанне Міжнароднай федэрацыі хакея ў Стакгольме і ці будуць у Беларусі выплачваць кампенсацыю за незаконныя затрыманні.
“Падзея тыдня” - пра крокі прадстаўнікоў грамадзянскай супольнасці, выкліканыя адмаўленнем беларускай дзяржавы выконваць міжнародныя абавязацельствы, узятыя на сябе ў межах супрацоўніцтва з Арганізацыяй Аб’яднаных Нацый.
Госця рубрыкі "Асоба. Дзяржава. Грамадства" - Анастасія Матчанка, кіраўніца праекту “Назіранне за выбарамі: тэорыя і практыка”.
"Навіны палітвязняў" - пра меры, якія прымаюць міжнародныя і беларускія праваабаронцы, каб дамагчыся выканання рашэння Працоўнай групы па адвольных затрыманнях ААН ў справе Алеся Бяляцкага, а таксама навіны з жыцця іншых палітзняволеных.
У музычных паўзах - моладзевы праект “Людзі на балоце”.
Слухаць выпуск:
