Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Грамадства. Дзяржава”.
Анонс выпуску:
У “Хроніцы пераследу” - як чыноўнікі ігнаруюць звароты грамадзян, пераслед журналістаў падчас выканання працоўных абавязкаў, а таксама адміністратыўныя пакаранні актывістаў з Мінска.
“Падзея тыдня” прысвечаная тэме смяротнага пакарання. На мінулым тыдні Еўрасаюз у чарговы раз выступіў з заклікам да беларускіх уладаў адмовіцца ад гэтага віду пакарання.
Госця рубрыкі "Асоба. Дзяржава. Грамадства" – лідарка "Маладых хрысціянскіх дэмакратаў" Марына Хоміч. Яна распавядае пра ідэі і планы арганізацыі на бліжэйшы час.
У выпуску таксама прагучаць "Навіны палітвязняў" - 11 дэмакратычных актывістаў застаюцца за кратамі за сваю дзейнасць і палітычныя перакананні.
У музычных паўзах - кампазіцыі славутых беларускіх спявачак: Насты Шпакоўскай, Ганны Хітрык, Алесі, Лікі Ялінскай і Надзеі Мікуліч.
