Дэмакратычныя актывісты з Белаазёрска -- пад пільным наглядам міліцыі

Не абыйшлася без кантролю міліцыянтаў грамадская праца па ўборцы зоны адпачынку ля возера Белае ў Белаазёрску. 14 актывістаў кампаніі “Гавары праўду”, беларускай сацыял-дэмакратычнай партыі (Грамада) і свабоднага прафсаюза Беларускага ўжо не першы год наводзяць парадак у зоне адпачынку.

Да іх далучыліся і адпачываючыя. Было сабрана шаснаццаць 100-літровых пакункаў смецця.

І гэтая карысная для грамадскасці праца была занатавана міліцыянтамі, якія на хаду, не выходзячы з аўто, адзнялі на відэакамеру працуючых.

Спыняць працу не сталі. Магчыма таму, што людзі працавалі і на іх карысць, кажа актывіст кампаніі “Гавары праўду” Валянцін Лазарэнкаў.