У Рэчыцы адбыўся напад на дэмакратычнага актывіста старшыню рэгіянальнай Партыі БНФ Валера Пуціцкага

Валер Пуціцкі паведаміў ПЦ "Вясна", што 21 сакавіка ўвечары каля 21-20 у падьезде свайго дому на яго быў зьдзейсьнены напад: двое невядомых людзей у цывільнай вопратцы нечакана накінуліся на яго. Валеры спрабаваў ўцячы, пачалася бойка. На моцны шум з кватэр выбеглі жонка Валера і суседка. Сп. Пуціцкаму ўдалося вызваліцца і забегчы дадому, аднак ён моцна зьбіты. Датэлефанавацца да ўчастковага міліцыянта не ўдалося: там спачатку ўзялі трубку, памаўчалі і паклалі, а потым увогуле ніхто не адказваў.                                                                                              Між іншым, калі Валеры Пуціцкі ішоў дахаты, недалёка ад ягонага дома стаяла міліцэйская машына. Падобная акалічнасьць наводзіць на пэўныя думкі: магчыма перад акцыяй апазіцыі яго хацелі нейтралізаваць і запалохаць. Тым ня менш сп.Пуціцкі намераны зьвярнуцца ў праваахоўныя органы з прозьбай знайсьці і пакараць людзей, якія на яго напалі і зьбілі.

Нагадаем, што за свае дэмакратычныя погляды актывіст Партыі БНФ Валеры Пуціцкі ўвосень мінулага году быў пазбаўлены працы - працоўны кантракт з ім не працягнулі.