Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
У гэтым выпуску:
У “Хроніцы пераследу” – пра лёс Андрэя Гайдукова, якому адмаўляюць у доступе да адваката; умоўна-датэрміновае вызваленнне ўдзельніка Плошчы 2010 Андрэя Пазняка; прысуды віцебскім актывістам Станіславу Лаўрэнаву і Аляксею Кішчуку; арышты сябраў “Еўрапейскага дзеяння”.
У “Падзеі тыдня” – пра перашкоды ў адзначэнні Міжнароднага дня роднай мовы, якія чыніліся ўладамі ў розных беларускіх гарадах. Хоць былі і даволі паспяховыя акцыі.
Госця рубрыкі "Асоба. Дзяржава. Грамадства" – праваабаронца Раіса Міхайлоўская, якая на мінулым тыдні атрымала прэмію імя Юрыя Захаранкі "Рыцар году".
У музычных паўзах - кампазіцыі гурта IQ48, трансляцыя канцэрта з удзелам якога ў эфіры “8 канала” 17 лютага ў межах праекта «Бульбокс-Live» была забаронена.
Слухаць выпуск:
