Слонім: працягваюцца акцыі ў абарону палітвязняў (фота)

У аўторак, 12 лютага, сябры Слонімскай суполкі БХД правялі новую акцыю ў рамках кампаніі ў абарону палітвязняў. На сотні пад'ездах дамоў самага вялікага мікрараёна Слоніма, а гэта Брэсцкая вуліца, вуліцы Тапалёвая, Фрацыска Скарыны, Яршова  сябры БХД расклеілі лістоўкі з заклікам «Напішы ліст палітычнаму вязню!».

А некалькі дзён таму слонімцы пры самым уездзе ў Слонім з боку Баранавічаў па трасе Мінск — Баранавічы — Слонім — Ваўкавыск — Беласток сябры БХД  прымацавалі плакат з надпісам “Свабоду палітвязням!”. Плакат прастаяў цэлы дзень і толькі вечарам яго знялі невядомыя асобы.