Арыштамі пакараныя чацьвёра сяброў індуісцкай суполкі за пікет супраць дзяржаўнай палітыкі, скіраванай на падтрымку манаполіі праваслаўнай царквы.

3 верасьня ў судзе Цэнтральнага райну г. Мінску адбыўся суд над сьвятаром індуісцкай суполкі “Шава-Шакта” Сяргеем Акаданавым, які абвінавачваўся ва ўдзеле ў недазволеным пікеце 17 жніўня ля рэстарацыі “МакДональдз” і на Кастрычніцкім пляцы, які зьяўляўся пратэстам супраць дыскрымінацыйнай рэлігійнай дзяржаўнай палітыкі. Сяргея Акаданава пакаралі арыштам на 10 сутак.

Жонка Сяргея Акаданава Тацяна таксама пакараная арыштам на 10 сутак. Тацяна Акаданава разам з мужам абвясьцілі галадоўку.

Сяброў індуісцкай суполкі Зьмітра Алісевіча і Аляксея Раманчука таксама пакаралі арыштам на 10 сутак. Такім чынам чацьвёра з затрыманых удзельнікаў пікету ўжо апынуліся за кратамі. Астатніх будуць судзіць цягам тыдня.