viasna on patreon

Абвешчаны конкурс для грамадзкіх аб’яднаньняў на прадастаўленьне грантаў паводле Праграмы “Прадухіленьне гандлю людзьмі: Рэспубліка Беларусь”

2007 2007-03-05T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Конкурс праводзіць Міжнародная арганізацыя па міграцыі пры падтрымцы Агенцтва ЗША па міжнародным разьвіцьці, паведаміў belngo.info. Праграма скіраваная на падтрымку ініцыятываў грамадзкай супольнасьці ў пытаньнях прадухіленьня гандлю людзьмі - адзначаецца ў інфармацыі, якая распаўсюджаная арганізатарамі конкурсу.

Мэтамі і задачамі праграмы зьяўляюцца падвышэньне самасьвядомасьці людзей, якія ўваходзяць у групу рызыкі, навучаньне іх разуменьню сваіх правоў і абавязкаў, фармаваньне навыкаў бясьпечных паводзінаў і г. д. Мэтавымі групамі праектаў могуць быць людзі, якія адносяцца да групы рызыкі, а таксама работнікі сфэры сацыяльнага абслугоўваньня і супрацоўнікі органаў, якія здольныя ўплываць на праблему гандлю людзьмі.

Каб атрымаць поўную інфармацыю аб конкурсе, Прадстаўніцтва Міжнароднай арганізацыі па міграцыі (МОМ) у Рэспубліцы Беларусь прапануе зацікаўленым грамадзкім аб’яднаньням зьвяртацца на электронныя адрасы azaitsev@iom.org.by, jdzingailo@iom.org.by ці па тэлефоне (017) 284 46 91. Праекты на ўдзел у конкурсе прымаюцца да 16 сакавіка. Маштабныя мерапрыемствы, якія заплянаваныя МОМ, залежаць ад пасьпяховасьці ўдзелу ў іх партнэрскіх грамадзкіх аб’яднаньняў – лічыць кіраўніцтва Праграмы “Папярэджаньне гандлю людзьмі”.

Апошнія навіны

Партнёрства

Сяброўства