Суддзю Вольгу Комар, што запомнілася палітычнымі працэсамі, адхілілі ад пасады

Такі ўказ падпісаў Аляксандр Лукашэнка 14 студзеня.

Вольга Комар працавала суддзёй Фрунзенскага раёна сталіцы. Прычына яе вызвалення ад працы — заканчэнне тэрміну паўнамоцтваў.

Комар у 2011-м разглядала першы працэс па справе Плошчы. Тады яна на 4 гады калоніі ўзмоцненага рэжыму пасадзіла Васіля Парфянкова. Яна запомнілася таксама судамі над грамадскім актывістам Паўлам Станеўскім, праваабаронцам Паўла Левінава — нібыта за лаянку адправіла іх на суткі.

Ёй забаронены ўезд на тэрыторыю ЕС.

Аказалася, што Вольга Комар вучылася ў Нацыянальным гуманітарным ліцэі імя Якуба Коласа, таго, што пазней быў зачынены ўладамі.