Ірына Халіп: Не верце Лукашэнку! Мне па-ранейшаму забаронены выезд

Аляксандр Лукашэнка заявіў, што журналістка Ірына Халіп адмовілася выехаць з Беларусі.

"Яна разумее, што тут яна пакутніца, а там яна нікому не патрэбна, таму яна і не паехала. Калі вы яе хочаце кудысьці забраць, заўтра ідзіце і забірайце," - адказаў ён на пытанне карэспандэнткі БелаПАН. 

Аднак Ірына Халіп у чарговы раз падкрэсліла, што забарону на выезд з краіны ёй ніхто не адмяняў. "У Кастрычніку Лукашэнка, даючы інтэрв'ю The Independent, патрабаваў, каб Яўген Лебедзеў забіраў мяне ў Маскву. Сёння ён сцвярджаў, што мы разам з Таццянай Каравянковай з БелаПАН павінны пайсці да генеральнага пракурора за дазволам на выезд. Наколькі мне вядома, пракуроры падпісываюць зусім іншыя паперы. Сэнсу ў тым, што кажа Лукашэнка няма і не можа быць". 

Дарэчы, учора ўвечары міліцыянты, як заўсёды, прыйшлі на праверку да Ірыны Халіп. Пра тое, што яна, па словах Лукашэнкі, ужо вольная, яны нічога не ведаюць.