Магілёўскія актывісты АГП збіраюцца абскарджваць забарону 10 пікетаў
Мерапрыемствы мусілі адбыцца 19 снежня і былі прымеркаваныя да другой гадавіны разгону “Плошчы”. Пра свой намер звярнуцца ў суд паведаміў лідэр Магілёўскай абласной арганізацыі Аб’яднанай Грамадзянскай партыі Ўладзімір Шанцаў.
“Нам адмовілі таму, што мы прасілі дазвол на пікеты ў нявызначаных гарвыканкамам месцах. У Канстытуцыі напісана, што людзям гарантавана свабода мітынгаў і сходаў. Па невядомых прычынах наш асноўны Закон дзяржавы не дзейнічае. Праўладныя арганізацыі БРСМ і “Белая Русь” праводзяць свае мерапрыемствы ў горадзе дзе захочуць, а дэмакратычныя арганізацыі і партыі горада адпраўляюць на ўскрайкі. Гэта несправядліва”, - гаворыць Уладзімір Шанцаў.
Нагадаем, што пікеты мусілі адбыцца ў цэнтры горада на вуліцы Ленінскай пад лозунгам “Скралі выбары, каб прадаць краіну”. Падчас пікетаў актывісты АГП планавалі нагадаць пра існуючых у краіне палітвязняў і паказаць людзям, што ў краіне няма свабодных выбараў.
