Андрэя Гайдукова зноў перавезлі з Віцебску ў Мінск
Андрэй Гайдукоў
Наваполацкага актывіста, якога вінавацяць у здрадзе дзяржаве, вывезлі з віцебскага СІЗА яшчэ 22 снежня. Ні пра сам факт пераводу, ні пра прычыны нічога невядома: адвакат даведалася пра гэта, калі пайшла на сустрэчу з падабаронным. Тут ёй і паведамілі пра перавод арыштаванага.
Андрэй Гайдукоў адбыў у віцебскім СІЗА каля месяца. Цягам гэтага часу яго сям'я атрымлівала лісты з турмы. Калі перапіска прыпынілася, маці зняволенага пачала падазраваць, што адбываецца нешта кепскае. Ад Андрэя гэтаксама не было лістаў, пакуль ён знаходзіўся ў мінскім СІЗА КДБ, куды яго перавезлі адразу пасля затрымання 8 лістапада.
23-гадовы аператар наваполацкага "Нафтану" быў затрыманы "падчас закладкі тайніка са звесткамі, якія могуць цікавіць замежныя спецслужбы" – так гаворыцца ў афіцыйным паведамленні прэсавай службы КДБ. Супраць яго распачата крымінальная справа паводле артыкула 356 «Здрада дзяржаве ў форме агентурнай дзейнасці».
Бацькі і знаёмыя не вераць у тое, што Андрэй Гайдукоў мог займаца шпіянажам: яны лічыць пераслед КДБ помстай за грамадскую дзейнасць.
Па "шпёнскай справе" Гайдукова дапытаныя яго маці і бліжэйшыя сябры. Справу вядзе віцебскі следчы КДБ Алег Барысевіч.
Паводле прававаабаронцы Валянціна Стэфановіча, "чаму Гайдукова пераводзілі з Мінска ў Віцебск, а потым назад з Віцебска ў Мінск, растлумачыць складана. Магчыма, гэта звязана з тым, што з яго хочуць выбіць неабходныя паказанні". Такім чынам спадар Стэфановіч адкаментаваў апошнія падзеі вакол арыштаванага Гайдукова сайту www.charter97.org.
Згодна з афіцыйнай інфармацыяй прэсавай службы КДБ, хлопца затрымалі нібыта «падчас закладкі схованкі са звесткамі, якія цікавяць замежныя спецслужбы». Грамадзянская кампанія «Еўрапейская Беларусь» выступіла з заявай, у якой паведамлялася аб тым, што актывіста затрымалі за распаўсюд газеты «Хартыя'97».
