viasna on patreon

Бацька палітвязня Арцёма Пракапенкі наведаў сына ў Магілёўскай калоніі

2012 2012-12-24T19:29:22+0300 1970-01-01T03:00:00+0300 be

Пра гэта Рацыі паведаміла маці зняволенага грамадскага актывіста Віялета Пракапенка. Адміністрацыя калоніі не дазволіла перадаць палітвязню цёплыя рэчы і забраць з сабой частку прадуктаў харчавання.

- Часамі дазваляюць па некалькі кілаграмаў пасля спаткання, але цяпер яму нічога не дазволілі, бо ў яго ўжо падышоў тэрмін перадачы. Ён завёз яму лімонаў, часнаку, вітамінаў сказаў прывезці, бо гэта ўжо дазволілі перадаць. Сенціпонавыя штаны не дазволілі перадаць, хоць у Магілёве ўвогуле было васямнаццаць градусаў марозу. У яго пачаліся праблемы з зубамі, да гэтага часу ўсё было нармальна. Таксама нерв у яго ў спіне ці недзе яшчэ зашчамляе, нейкія болі.

Негледзячы на гэта, кажа Віялеты Пракапенка, яе сын трымаецца бадзёра. Пачаў артымліваць навагоднія паштоўкі з віншаваннямі.

Арцём Пракапенка быў асуджаны разам з Яўгенам Васьковічам і Паўлам Сырамалотавым да 7 гадоў зняволення за спробу падпалу дзвярэй бабруйскага аддзела КДБ. У верасні гэтага года Павел Сырамалотаў выйшаў на волю, пасля таго як напісаў прашэнне аб памілаванні на імя Лукашэнкі. Арцём Пракапенка і Яўген Васьковіч адмаўляюцца пісаць такое прашэнне.

Апошнія навіны

Партнёрства

Сяброўства