Ігару Аліневічу ў турме забаранілі цёплую вопратку

Нягледзячы на холад, палітвязням забаронена апранаць швэдар.

Пра гэта піша Валянціна Аліневіча, маці Ігара Аліневіча ў сваім акаўнце ў сацыяльнай сетцы «Фэйсбук». Сын паведаміў ёй пра гэта ў лісце з турмы.

«Не турбуйся пра маё здароўе. Веру, што ваўняны пояс на ноч заўсёды карысны зімой. Толькі швэдры забаронены. Лічыцца, што майкі, робы і целагрэйкі чалавеку ў холад дастаткова. У турмах, дарэчы, таксама нельга, але ў СІЗА КДБ у мяне было тры швэдры. Без іх я там бы здох 100%», - цытуе з ліста Аліневіча сайт charter97.org.

Актывіст анархісцкага руху Ігар Аліневіч адбывае 8 гадоў зняволення ў Наваполацкай калоніі па абвінавачанні ў нібыта нападзе на афіцыйныя будынкі ў Мінску.