Праваабарончая праграма “Людзьмі звацца!” на Радыё Рацыя

Кожны аўторак у 15:05 ў эфіры незалежнай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.

У гэтым выпуску:

У “Хроніцы пераследу” - найбольш гучныя факты парушэнняў правоў чалавека, што мелі месца на мінулым тыдні.

“Падзея тыдня” прысвечаная самаму масаваму і працягламу пераследу гамадскіх актывістаў за ўшанаванне памяці братоў Каліноўскіх, якое штогод праходзіць у Свіслачы. 12 чалавек былі прыцягнутыя да адміністратыўнай адказнасці, але суды працягваюцца.

У рубрыцы "Асоба. Дзяржава. Грамадства" – гутарка з намеснікам старшыні ПЦ "Вясна" Валянцінам Стэфановічам, які падводзіць вынікі праваабарончай дзейнасці ў 2012 годзе і аналізуе дзеянні ўладаў у сферы правоў чалавека.

У музычных паўзах гучаць песні знакамітага беларускага гурта J:mors.