У Віцебску за налепкі і балончыкі з фарбай былі затрыманыя моладзевыя актывісты

Сёньня ўначы міліцыянты затрымалі двох віцебскіх студэнтаў і даставілі ў пастарунак. У іх знайшлі налепкі, прысьвечаныя Дню сьвятога Валянціна, а таксама балончыкі з фарбай. На проcьбу затрыманых у Кастрычніцкі райадздзел міліцыі прыехаў праваабаронца Павал Левінаў. Ён распавёў, што хлопцы адмовіліся даваць пісьмовыя тлумачэньні пра тое, што яны рабілі ў цэнтры Віцебску такой парой, а паколькі балончыкі з фарбай аказаліся нераспачатымі, міліцыянты вымушаныя былі адпусьціць студэнтаў. Пратаколы аб затрыманьні не складаліся, налепкі канфіскавалі.