Бабруйскія сябры АГП падалі заявы на правядзенне пікетаў 19 снежня

Старшыня бабруйскай суполкі АГП Віктар Бузінаеў і сябра гэтай жа партыі Мацвей Хатары падалі ў гарвыканкам дзве заяўкі на правядзенне пікетаў.

-Гэтымі пікетамі мы хочам звярнуць увагу беларусаў на сітуацыю, якая склалася ў краіне. Плануецца, што яны пройдуць пад лозунгам “Скралі выбары, каб распрадаць краіну”. Мы не хочам, каб нашу краіну прадавалі, каб людзі атрымлівалі капейкі, каб расла колькасць эмігрантаў, і менавіта пра гэта хочам размаўляць з людзьмі на пікетах, - кажа Віктар Бузінаеў.

Заявы пададзеныя на правядзенне пікетаў у раёне скрыжавання вуліц Мінскай і Кастрычніцкай (пляцоўка каля лазні №2), а таксама прылеглая тэрыторыя да спорткомплекса “Славянка” (стадыён на вуліцы Урыцкага-76). Меркаваная дата правядзення – 19 снежня.