Брэст: актывісты АГП падалі заяўку на пікеты 19 снежня

Як паведаміў старшыня Брэсцкай абласной арганізацыі Аб’яднанай грамадзянскай партыі Уладзімір Вуек, усяго запланавана дзевяць пікетаў, якія актывісты АГП збіраюцца ладзіць 19 снежня.   

Акцыі накіраваныя на тое, каб прыцягнуць увагу жыхароў рэгіёна да актуальных праблемаў эканомікі (у тым ліку да спробаў чыноўнікаў правесці “непразрыстую” прыватызацыю дзяржаўнай уласнасці без кантролю з боку грамадскасці). Па словах Вуека, пікеты будуць яшчэ адной магчымасцю нагадаць, што негатыўныя з’явы адбываюцца ў выніку адсутнасці ў краіне справядлівых і свабодных выбараў.

У заяве ў Брэсцкі гарвыканкам пазначаны чатыры месцы для правядзення акцый, у тым ліку – дзве пляцоўкі ў цэнтры горада.