Жыхары Баранавіч падтрымалі хворых дзяцей
Рыгор Грык каля Баранавіцкай дзіцячай гарадской бальніцы
У Сусветны дзень дзіцяці, 20 лістапада, грамадскі актывіст Рыгор Грык наведаў Баранавіцкую дзіцячую гарадскую бальніцу і перадаў галоўнаму ўрачу Валянціне Петран шмат цікавых кніг і дзіцячае аддзенне для тых, хто цяпер знаходзіцца ў бальніцы.
Гэтыя рэчы Рыгор Грык сабраў на цэнтральным гарадскім кірмашы ад прадпрымальнікаў і людзей, якія дабраахвотна ахвяравалі іх на карысць хворых дзяцей.
Нагадаем, Сусветны дзень дзіцяці быў заснаваны 20 лістапада 1954 году Генеральнай Асамблеяй ААН і скіраваны на паляпшэнне дабрабыту дзяцей, умацаванне працы, якая праводзіцца ААН у інтарэсах дзяцей усяго свету. У гэты дзень у 1959 годзе была прынятая "Дэкларацыя правоў дзіцяці", а ў 1989 годзе - "Канвенцыя правоў дзіцяці".
