Беларуская апазіцыя мае намер падрыхтаваць грунтоўную альтэрнатыву ўладам ува ўсіх асноўных сферах жыцьця. Новы дакумент ужо атрымаў рабочую назву – “Малая Канстытуцыя”

Адпаведнае рашэньне прынята на пашыраным паседжаньні каардынацыйнай рады дэмакратычных сілаў, якое адбылося 25 студзеня ў Вільні.

Удзельнік паседжаньня лідэр Аб’яднанай грамадзянскай партыі Анатоль Лябедзька па вяртаньні ў Менск паведаміў Радыё Свабодзе: “Было б вельмі добра выпрацаваць якасныя дакумэнты, якія прайшлі б праз Кангрэс дэмсілаў. Пасьля Кангрэсу мяркуецца правесьці агульнанацыянальную дыскусію. Калі мы правядзём такую дыскусію, дык можна будзе атрымаць якаснае пасланьне на выбарчую кампанію 2008 году ў Палату прадстаўнікоў”.