На прадпрыемствах Беларусі зарэзэрваваныя працоўныя месцы для асобаў, пазбаўленых бацькоўскіх правоў, чые дзеці знаходзяцца на забесьпячэньні дзяржавы

Падчас прэс-канфэрэнцыі міністра ўнутраных справаў Уладзімера Навумава, ён адзначыў, што „усе гарвыканкамы і райвыканкамы падалі ў ворганы ўнутраных справаў інфармацыю аб наяўнасьці працоўных месцаў для такіх людзей”. На ягоную думку, нядбайныя бацькі атрымалі выбар — добраахвотна працаваць і кампэнсаваць дзяржаве выдаткі ці працаваць прымусова, пад арыштам. Сілавыя структуры ўпэўненыя, што у бліжэйшае паўгоду сітуацыя з бацькамі-алькаголікамі значна выправіцца, паведаміла Радыё Рацыя.