Брэст: забаронены канцэрт гурту “Дай Дарогу!”

Гэты выступ музыкаў быў запланаваны на 3 лістапада ў брэсцкім клубе “Сфера”. Падчас канцэрту гурт збіраўся ладзіць прэзентацыю ў родным горадзе свайго новага альбому.

Як паведаміў кіраўнік гурта Юрый Стыльскі (на фота), адміністрацыя клуба паведаміла, што канцэрт не адбудзецца, але рашэнне пра яго забарону прымалася на іншым узроўні.

Варта адзначыць, што ў мінулыя выходныя “Дай Дарогу!” браў удзел у Men's Fest, які адбываўся ў Брэсце, хаця арганізатары імпрэзы таксама атрымлівалі звесткі, што выступ гэтага музычнага калектыву непажаданы.

Таксама пад пагрозай і наступны канцэрт “Дай Дарогу!”, які запланаваны на 6 лістапада ў Гродна падчас фэсту “Рок-хваля”.