Судовае паседжанне па справе евангельскай царквы “Новае жыццё” перанесенае на аўторак, 23 студзеня

Сёння у вышэйшым гаспадарчым судзе адбылося чарговае паседжанне па справе царквы “Новае жыццё” да Мінгарвыканкаму. Нагадаем, што справа тычыцца будынку і зямлі, якая належыць рэлігійнай грамадзе. Улады некалькі год спрабавалі пазбавіць царкву права уласніка на маёмасць. Веруючыя усімі магчымымі сродкамі змагаліся за свае правы. У выніку галадоўкі, якую у царкве трымалі 29 дзён, улады пагадзіліся ў судовым парадку перагледзіць рашэнне Мінгарвыканкаму аб пазбаўленні царквы будынку і зямлі. Аб гэтым у “Новае жыццё” з Вышэйшага гаспадарчага суду быў накіраваны адмысловы ліст.