Акцыя ў гонар 13-ай гадавіны падпісаньня Дэкларацыі незалежнасьці Беларусі ў менскім парку імя Янкі Купалы прайшла без затрыманьняў.

27 ліпеня ў 14.00 у менскім парку імя Янкі Купалы адбылося ўскладаньне кветак да помніка паэту, якое было арганізаванае Беларускай сацыял-дэмакратычнай партыяй (Народная Грамада). Побач з помнікам беларускаму песьняру прадстаўнікі незарэгістраванай моладзевай арганізацыі Малады Фронт правялі акцыю “Я люблю Беларусь”. Акцыя прайшла без затрыманьняў.